Qazaqstannyń EAEO elderimen taýar aınalymy 8,4 paıyzǵa artty

ASTANA. QazAqparat - 2018 jylǵy segiz aıda Qazaqstan Respýblıkasynyń EAEO elderimen ózara saýda aınalymy 8,4 paıyzǵa ósti, dep habarlaıdy QazAqparat.

«2018 jylǵy qańtar-tamyzdaǵy Qazaqstan Respýblıkasynyń EAEO elderimen ózara saýdasy 12 254,7 mln AQSh dollaryn qurap, 2017 jylǵy qańtar-tamyzben salystyrǵanda 8,4 paıyzǵa artty. Sonyń ishinde eksport 3 909,2 mln AQSh dollaryna (13,8 paıyzǵa), al ımport 8 345,5 mln dollarǵa (6 paıyzǵa) ósti», - dep atap ótilgen QR UEM Statıstıka komıtetiniń málimetinde.

Atap aıtqanda, Qazaqstannyń EAEO elderimen syrtqy saýda aınalymynyń jalpy kóleminde Reseıge - 91,9 paıyzy, Qyrǵyzstanǵa - 4,5 paıyzy, Belarýske - 3,5 paıyzy, sondaı-aq Armenııaǵa 0,1 paıyzy tıesili.