Qazaqstannyń EAEO elderimen taýar aınalymy 10% artty
ASTANA. QazAqparat - Qazaqstannyń Eýrazııalyq ekonomıkalyq (EAEO) eldermen ózara saýda kólemi 2018 jyldyń qańtar-shildesinde aqshalaı mánde 10 783,5 mln dollardy qurady. Bul ótken jyldyń sáıkes kezeńimen salystyrǵanda 10 paıyzǵa kóp, dep habarlaıdy QazAqparat tilshisi.
QR Ulttyq ekonomıka mınıstrliginiń Statıstıka komıtetinen málim etkendeı, atalmysh kezeńde EAEO elderine eksport kólemi aqshalaı mánde 3467,5 mln dollardy (ótken jylǵa qaraǵanda 16,2 paıyzǵa artyq), ımport 7316 mln dollardy (+7,3%) qurady.
Qazaqstannyń EAEO elderimen taýar aınalymynyń jalpy kóleminiń 91,9 paıyzy - Reseıge, 4,5 paıyzy - Qyrǵyzstanǵa, 3,5 paıyzy - Belarýsqa jáne 0,1 paıyzy Armenııaǵa tıesili.
