Qazaqstannyń EAEO elderimen saýda aınalymy 0,4% ósti
NUR-SULTAN. QazAqparat - Aldyn ala derekter boıynsha, 2019 jyldyń qańtar-aqpan aılarynda Qazaqstan Respýblıkasynyń Eýrazııa ekonomıkalyq odaǵy memleketterimen saýda aınalymy 2018 jyldyń osy kezeńimen salystyrǵanda 0,4% ósip, 2 mlrd 797,3 mln AQSh dollaryn qurady, dep habarlaıdy QazAqparat QR Ulttyq ekonomıka mınıstrligi Statıstıka komıtetine silteme jasap.
Atap aıtqanda, esepti kezeńde Qazaqstannyń EAEO elderine shyǵarǵan eksportynyń kólemi aqshaǵa shaqqanda 850,3 mln dollar (byltyrǵy qańtar-aqpan aılaryna qaraǵanda 5,8% az), ımport kólemi - 1 mlrd 947 mln dollar (+3,4%) boldy.
Qazaqstannyń EAEO elderimen jasaǵan syrtqy saýda aınalymynyń 92,9%-y Reseı Federatsııasynyń úlesine týra keledi. Qyrǵyz Respýblıkasymen jasalǵan saýda aınalymy jalpy kórsetkishtiń - 4,1%-yn quraıdy, taǵy 2,9% Belarýs Respýblıkasyna, 0,1%-y Armenııa Respýblıkasyna týra keledi.
Avtor: Ashat Ahmetbekov
