Qazaqstannyń EAEO elderimen ózara saýdasy bir jylda 6,3% artty
ASTANA. QazAqparat - 2018 jylǵy qańtar-maýsymdaǵy Qazaqstan Respýblıkasynyń EAEO elderimen ózara saýdasy 8 868,1 mln. AQSh dollaryn qurady, dep habarlaıdy QR UEM baspasóz qyzmeti.
«2018 jylǵy qańtar-maýsymdaǵy Qazaqstan Respýblıkasynyń EAEO elderimen ózara saýdasy 8 868,1 mln. AQSh dollaryn qurap, 2017 jylǵy qańtar-maýsymmen salystyrǵanda 6,3%-ǵa artty. Sonyń ishinde eksport - 2 839,7 mln. AQSh dollary (11,3%-ǵa ósti), ımport - 6 028,4 mln. AQSh dollary (4,1%-ǵa ósti)» delingen habarlamada.
Sondaı-aq, málimetke saı, Qazaqstan Respýblıkasynyń EAEO elderimen syrtqy saýda aınalymy jalpy kóleminde Reseı Federatsııasyna - 92,0%, Qyrǵyzstan Respýblıkasyna - 4,3%, Belarýs Respýblıkasyna - 3,6%, Armenııa Respýblıkasyna - 0,1% keledi.
