Qazaqstannyń EAEO elderimen ózara saýdasy 7,4 paıyzǵa artty

ASTANA. QazAqparat - Qazaqstannyń Eýrazııalyq ekonomıkalyq odaq elderimen ózara saýdasy 7,4 paıyzǵa artty, dep habarlaıdy QazAqparat tilshisi.

QR UEM Statıstıka komıtetiniń málimetinshe, 2018 jylǵy qańtar-mamyrdaǵy Qazaqstan Respýblıkasynyń EAEO elderimen ózara saýdasy 7311,7 mln AQSh dollaryn qurap, 2017 jylǵy qańtar-mamyrmen salystyrǵanda 7,4 paıyzǵa artty. Sonyń ishinde eksport - 2316,1 mln AQSh dollaryn (10,1%-ǵa ósti), ımport - 4995,6 mln AQSh dollaryn (6,2%-ǵa ósti) qurady.

Qazaqstan Respýblıkasynyń EAEO elderimen syrtqy saýda aınalymy jalpy kóleminde Reseı Federatsııasyna - 92,1%, Qyrǵyzstan Respýblıkasyna - 4,2%, Belarýs Respýblıkasyna - 3,6%, Armenııa Respýblıkasyna - 0,1% keledi.