Qazaqstannyń EAEO elderimen ózara saýdasy 16645,3 mln dollardy qurady

NUR-SULTAN. QazAqparat - 2019 jylǵy qańtar-qazandaǵy Qazaqstan Respýblıkasynyń Eýrazııalyq ekonomıkalyq odaq (EAEO) elderimen ózara saýdasy aldyn ala málimetter boıynsha, 16645,3 mln AQSh dollaryn qurady. Bul, ótken jyldyń sáıkes kezeńimen salystyrǵanda 0,3% kóp, dep habarlaıdy QazAqparat.

QR Ulttyq ekonomıka mınıstrliginiń Statıstıka komıtetinen málim etkendeı, 16645,3 mln dollar somasynyń 4963,6 mln dollary (1,8% azaıdy) – eksportty, 11681,7 mln dollary (1,3% kóbeıdi) ımportty quraıdy.

Qazaqstan Respýblıkasynyń EAEO elderimen syrtqy saýda aınalymynyń jalpy kóleminde Reseı Federatsııasyna – 92,3%, Qyrǵyzstan Respýblıkasyna – 4%, Belarýs Respýblıkasyna – 3,6%, Armenııa Respýblıkasyna 0,1% tıesili.

Atap aıtqanda, elimizden EAEO-ǵa múshe memleketterge eksporttalǵan ónimderdiń 40 paıyzyn mıneraldy ónimder, 13,5 paıyzyn hımııalyq jáne ónerkásiptiń onymen balanysty salasynyń ónimderi, 26,6 paıyzyn metaldar jáne olardan jasalǵan buıymdar, 10,1 paıyzyn mal jáne ósimdik ónimderi, daıyn azyq-túlik taýarlary, 7,5 paıyzyn mashınalar, jabdyqtar, kólik quraldary, aspaptar jáne apparattar, 2,3 paıyzyn ózgeleri quraıdy.

Al ımporttalǵan ónimderdiń úlesinde mıneraldy ónimder 12,5 paıyzdy, hımııalyq jáne ónerkásiptiń onymen balanysty salasynyń ónimderi 15,4 paıyzdy, metaldar jáne olardan jasalǵan buıymdar 16,2 paıyzdy, mashınalar, jabdyqtar, kólik quraldary, aspaptar jáne apparattar 26,6 paıyzdy, mal jáne ósimdik ónimderi, daıyn azyq-túlik taýarlary 14,1 paıyzdy, ózgeleri 15,2 paıyzdy qurady.