Qazaqstannyń dúken sórelerinde ımporttalǵan shetel etteri joq - A.Mamytbekov

ASTANA. QazAqparat - Qazaqstannyń dúken sórelerinde ımporttalǵan shetel etteri joq. Bul týraly búgin Astanada qazaqtyń aqbas sıyry ıeleri palatasynyń otyrysynda QR Aýyl sharýashylyq mınıstri Asyljan Mamytbekov málim etti.

«Bizdiń ishki naryǵymyz etke tolyp boldy. Keıbireýler «nege biz etti shetelden tasımyz» dep aıtyp jatady. Sórelerde shetel eti joq - sony túsiný kerek. Eger ımporttalsa, tek tehnologııalyq maqsattarǵa ǵana: konservi, shujyq jáne taǵy basqa úshin», - dedi mınıstr.

Onyń sózine qaraǵanda, Qazaqstanda etke degen qajettilik tolyqtaı qamtamasyz etilýde, al qalǵany shet memleketterge eksporttalýda. «Úmit» kompanııasy Máskeýge 1 myń tonna et jetkizý jóninde kelisim jasady. Rýbldiń baǵamy qulaǵanymen, bizdiń etterge suranys bar. Valıýta baǵamy ornyqqannan soń, eksport kólemi de arta túsedi», - dep túıdi sózin A.Mamytbekov.