Qazaqstannyń DSU-na kirýi máselesin QR Úkimet basshysy Eýropalyq komıssarmen talqylady
ASTANA. QazAqparat - Davostaǵy Dúnıejúzilik ekonomıkalyq forým aıasynda QR Premer-Mınıstri Kárim Másimov saýda máseleleri boıynsha Eýropalyq komıssar Sesılııa Malstrommen kezdesý ótkizdi. Bul týraly primeminister.kz saıtynda habarlandy.
Áńgime barysynda taraptar Qazaqstan men Eýropalyq odaqtyń saýda-ekonomıkalyq jáne ınvestıtsııalyq salalardaǵy yntymaqtastyǵyn damytýdy talqylady.
Sondaı-aq, K.Másimov pen S.Malstrom Qazaqstannyń Dúnıejúzilik saýda uıymyna (DSU) kirýiniń ózekti máselelerin qarady. Kárim Másimov Qazaqstan eldiń uzaq merzimdi ulttyq ekonomıkalyq múddelerine jaýap beretin jaǵdaılarda DSU-na kirý úderisin aıaqtaý boıynsha jumys jasap jatqanyn atap ótti. Budan ózge, taraptar DSU-na kirý Qazaqstan men EO arasyndaǵy saýda-ekonomıkalyq yntymaqtastyqty odan ári nyǵaıtýǵa jaǵdaı jasaıdy degen ortaq pikirge keldi.
