Qazaqstannyń Doing Business reıtıngindegi jaǵdaıyn jaqsartý úshin zańnamalyq jańa paket daıarlandy
ASTANA. QazAqparat - Qazirgi kezde Qazaqstannyń Doing Business reıtıngindegi jaǵdaıyn jaqsartý boıynsha zańnamalyq bastamalardyń jańa paketi daıarlandy. Bul týraly búgin Aqordada ótip jatqan QR Úkimetiniń keńeıtilgen quramdaǵy otyrysynda QR Premer-Mınıstriniń birinshi orynbasary Baqytjan Saǵyntaev málim etti.
B. Saǵyntaev ákimshilik júktemelerdi tómendetý úshin bıylǵy 1 qańtardan bastap kásipkerlik úshin ahýaldy túbegeıli jaqsartý boıynsha Zań kúshine engenin eske salyp ótti. Zań bızneske qatysty rásimder men merzimderdi jáne qarjylyq shyǵystardy aıtarlyqtaı qysqartýǵa múmkindik berdi.
