Qazaqstannyń dinaralyq kelisim tájirıbesi TMD elderi arasynda taralýy kerek
Bul týraly búgin Astanada «TMD elderindegi dinderdiń róli» halyqaralyq konferentsııasynda QR Din isteri agenttiginiń tóraǵasy Qaırat Lama Sharıf málim etti.
Aıta keteıik, halyqaralyq konferentsııaǵa Qazaqstandaǵy TMD elderiniń elshileri, memlekettik organdarynyń, halyqaralyq jáne otandyq ǵylymı ortalyqtardyń, úkimettik emes uıymdar men buqaralyq aqparat quraldarynyń ókilderi qatysýda.
«Qazirgi zamandaǵy Qazaqstandaǵy konfessııalyq faktor memlekettiń damý protsesterinde jumyldyrýshy kúsh retinde ishki saıası turaqtylyq pen azamattyq aýyzbirshilikti saqtaý men nyǵaıtýdyń biregeı mehanızmi bolyp tabylady jáne ol osy rette Dostastyq elderiniń qyzyǵýshylyǵyn týdyrýda. Sondyqtan, dinaralyq jáne konfessııaaralyq kelisimdi qamtamasyz etýdegi qazaqstandyq tájirıbe jan-jaqty zerttelip, TMD elderi arasynda taralýy kerek», - dedi óz sózinde Q. Lama Sharıf.
Onyń atap ótkenindeı, dinaralyq suhbat TMD elderi úshin ulttyq qaýipsizdikti qamtamasyz etý faktory retinde asa mańyzdy.
«Qazaqstandyq zertteýshilerdiń pikirinshe, konfessııaaralyq suhbat mynadaı basym baǵyttar boıynsha damýy múmkin: memlekettik jáne azamattyq deńgeılerdegi bitimgerlik, azamattardyń múddelerin qozǵaıtyn máseleler boıynsha memlekettik bılik organdarymen ózara árekettestik, ǵalamdaný jaǵdaıynda qoǵamdaǵy rýhanı-adamgershilik qaǵıdalardyń saqtalýyna kómektesý, bizdiń elderimizdiń halyqtarynyń rýhanı muralaryn ıgerý arqyly mádenı áleýetti damytý, mádenı san alýandyqty saqtaý jáne damytýǵa járdemdesý», - dep túıdi sózin QR Din isteri agenttiginiń tóraǵasy.
