Qazaqstannyń densaýlyq saqtaý júıesinde memlekettik-jekemenshik áriptestik damytylatyn bolady
ASTANA. 9 shilde. QazAqparat - Qazaqstannyń densaýlyq saqtaý júıesinde memlekettik-jekemenshik áriptestik júıesin damytý kózdeledi.
Osyǵan oraı, QR Densaýlyq saqtaý mınıstrliginde 2013 jylǵy 26 shildede «Memlekettik-jekemenshik áriptestik arqyly densaýlyq saqtaý júıesine ınvestıtsııalar» taqyrybynda semınar-keńes ótkizý josparlanyp otyr. Jıynǵa bıznes qoǵamdary jáne qaýymdastyqtar, onyń ishinde iri qazaqstandyq jáne sheteldik ınvestorlar, otandyq qurylys kompanııalary qaýymdastyqtarynyń, «Mabetex», «Mabco Construction» jáne ózge de halyqaralyq qurylys kompanııalarynyń ókilderi qatysady. Bul týraly Densaýlyq saqtaý mınıstrliginiń baspasóz qyzmetinen habarlandy.
Atalǵan is-sharada Qazaqstan densaýlyq saqtaý júıesinde memlekettik-jekemenshik áriptestikti perspektıvalyq damytýdyń tujyrymdamalyq baǵyttaryn talqylaý kózdelip otyr. Memlekettik-jekemenshik áriptestikti damytýǵa eń aldymen, Qazaqstannyń memlekettik saıasatyn, onyń ishinde densaýlyq saqtaý júıesin damytýdyń 2011-2015 jyldarǵa arnalǵan «Salamatty Qazaqstan» memlekettik baǵdarlamasyn iske asyrý negiz bolady.
Memlekettik - jekemenshik áriptestikti damytý sheńberinde jeke sektorǵa qyzmetter usynatyn keń aýqymdy jobalar qarastyrylady. Sonymen qatar, jobalaý, qurylys júrgizý, paıdalaný, senimdi basqarýǵa berý, medıtsınalyq jáne medıtsınalyq emes qyzmetter sekildi memlekettik-jekemenshik áriptestiktiń halyqaralyq deńgeıde moıyndalǵan joldaryn paıdalaný kózdeledi.
«Jalpy, memlekettik - jekemenshik áriptestik júıesin engizý densaýlyq saqtaý salasyn jańa deńgeıge kóterýge jáne densaýlyq saqtaý qyzmetteriniń qoljetimdiligin arttyrýǵa, sonymen birge basqarý tıimdiligin jáne qyzmetter sapasyn kóterýge múmkindik beredi», - delingen baspasóz baıanynda.
