Qazaqstannyń densaýlyq saqtaý júıesi koronavırýspen kúreske daıyn bolmady - Toqaev

NUR-SULTAN. QazAqparat - Qazaqstannyń densaýlyq saqtaý júıesi koronavırýspen kúreske daıyn bolmady. Bul týraly respýblıkalyq telearnalar arqyly elimizde qalyptasqan ahýalǵa baılanysty úndeý jasaǵan QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Іndetpen kúrestiń nátıjeli bolýy eń aldymen barsha jurttyń sanaly áreketi men jaýapkershiligine balanysty. Bul óte qaýipti, batpandap kiretin, mysqaldap shyǵatyn dert. Koronavırýstyń taralýyna baılanysty densaýlyq saqtaý júıesine kóp aýyrtpalyq túsýde. Ashyǵyn aıtý kerek, densaýlyq saqtý júıesi indetke toıtarys berýge daıyn bolǵan joq», - dedi Memleket basshysy.

QR Prezıdenti osy másele boıynsha tergeý júrgiziletindigin jáne bul jaǵdaıdan sabaq alatyndyǵymyzdy basa aıtty. Sondaı-aq, ákimderdiń jibergen qatelikterine tıisti baǵa beriletindigin atap ótti.