Qazaqstannyń densaýlyq saqtaý uıymdary tumaýǵa qarsy vaktsınamen qamtamasyz etildi - «Samuryq-Qazyna Farmatsııa» JShS
ASTANA. Qazannyń 18-i. QazAqparat - «Samuryq-Qazyna Farmatsııa» JShS tolyq kólemde Qazaqstannyń densaýlyq saqtaý uıymdaryn tumaýǵa qarsy vaktsınamen qamtamasyz etti, dep habarlaıdy kompanııanyń baspasóz qyzmeti.
Búgingi kúni 0,5 ml shprıtsterge aldyn ala toltyrylǵan qazirgi zamanǵy ári qolaıly nysandaǵy Vaksıgrıp atty tumaýǵa qarsy tıimdiligi joǵary shamamen 350 myń dozaly vaktsına elimizdiń barlyq óńirlerine jetkizildi. Bul vaktsınany shyǵarýshy vaktsınatsııa salasyndaǵy sarapshy jáne tumaýǵa qarsy vaktsınalar naryǵyndaǵy kóshbasshy bolyp tabylatyn eýropalyq Sanofı Paster kompanııasy bolyp tabylady.
Budan buryn emdeý-profılaktıkalyq mekmelerge vaktsınanyń birinshi partııasy (13 myń dozasy) jetkizilgen bolatyn. Vaktsınanyń negizgi partııasy óńirlerge ótken demalysta jetkizildi.
Qazaqstan Respýblıkasynda tumaýǵa qarsy egý dástúrli túrde qazan men qarasha aılary aralyǵynda júrgiziledi.
Tumaýǵa qarsy vaktsınany satyp alý jónindegi eki kezeńdik rásim paıdalanylǵan ashyq tenderdi «SQ-Farmatsııa» kompanııasy 2010 jylǵy maýsymda ótkizdi, bul vaktsınany bir dozasy úshin 643 teńgeden satyp alýǵa múmkindik berdi, al sol ýaqytta bólshek saýda naryǵyndaǵy baǵa bir doza úshin 1600-den astam teńgeni quraıdy. Tumaýǵa qarsy vaktsınany satyp alý nátıjeleri boıynsha únem 60%-dy (bólingen 652 mln. teńgeden 350 mıllıon teńgesin) qurady.
«Samuryq-Qazyna Farmatsııa» JShS 2009 jyldyń aqpanynda Qazaqstan Respýblıkasyndaǵy farmatsevtıkalyq salanyń turaqtylyǵy men básekege qabilettiligin arttyrý, dárilik zattardy memlekettik satyp alýdy shoǵyrlandyrý jolymen farmatsevtıkalyq ónerkásipti damytý maqsatynda quryldy. Tegin medıtsınalyq kómektiń kepildi kólemi sheńberinde dárilik zattardy satyp alý men qamtamasyz etý boıynsha Biryńǵaı dıstrıbıýterdiń fýnktsııalaryn júzege asyrý úshin qurylǵan.
«Samuryq-Qazyna» ulttyq ál-aýqat qory» AQ qurylymyna kiredi.
