Qazaqstannyń densaýlyq saqtaý salasyndaǵy basqarýshylyq kózqarasty qaıta qaraý kerek - Densaýlyq saqtaý mınıstri
TANA. 8 qyrkúıek. QazAqparat /Aıdar Ospanalıev/ -«Qazaqstannyń densaýlyq saqtaý salasyndaǵy basqarýshylyq kózqarasty qaıta qaraý qajet»,-deıdi Densaýlyq saqtaý mınıstri Salıdat Qaıyrbekova.
Bul týraly ol Astanada ótip jatqan «Bolashaq gospıtali» II halyqaralyq medıtsınalyq iskerlik forýmynda málim etti.
Mınıstrdiń aıtýynsha, bul másele, ásirese, biryńǵaı ulttyq júıe jaǵdaıynda erekshe baıqalyp otyr. «Basqasha aıtqanda, búginde biryńǵaı ulttyq júıeni engizý sharasynyń tıimdiligi aımaqtardaǵy densaýlyq saqtaý salasynda menedjmentti tıimdi engizýmen baılanysty. Osy rette elde aýrýhanalyq basqarý men korporatıvti basqarý júıesin jańǵyrtý sharasy júzege asyrylýda, bizdiń jas mamandarymyz álemniń eń úzdik degen oqý oryndarynda bilim alyp jatyr»,-dedi S.Qaıyrbekova.
