Qazaqstannyń demokratııalyq tamyrlary tereńdeı túsýde - halyqaralyq táýelsiz baqylaýshylar mıssııasynyń málimdemesi
ASTANA. 5 sáýir. QazAqparat - Qazaqstannyń demokratııalyq tamyrlary tereńdeı túsýde. Bul týraly halyqaralyq táýelsiz baqylaýshylardyń QR Prezıdentiniń kezekten tys saılaýynyń qorytyndysy boıynsha jasaǵan málimdemesinde aıtylyp otyr.
Málimdemede atap kórsetilgendeı, 30 naýryz ben 3 sáýir aralyǵynda táýelsiz baqylaýshylar toby Qazaqstanda toǵyz saıası partııalardyń músheleri jáne basshylarymen, saılaý komıssııasynyń laýazymdy tulǵalary jáne Úkimettik emes uıym ókilderimen kezdesýler ótkizgen.
Saılaý kúni top músheleri tórt oblysta, atap aıtqanda Qaraǵandy, Pavlodar, Aqmola jáne Almaty oblystarynda, Astana jáne Almaty qalalarynda boldy. Biz daýys berý barysyn baqylaý úshin alpys bes saılaý ýchaskesinde boldyq. Olardyń arasynan biz bes saılaý ýchaskesindegi daýys sanaý men daýys berýdiń jabylý úrdisine qatystyq. Saılaý ýchaskesi men odan tysqary jerde júzdegen daýys berýshi azamat bizdiń ótinishimiz boıynsha óz oılarymen bólisti.
Ótken saılaýdan ereksheligi saılaýshylardy saılaý ýchaskesine jınaý jáne ákimshilik toptastyrý arqyly daýys berýge ákelý kórinisteri baıqalmady. Biz saılaýshylar azamattyq paryzy men patrıottyq sanasy boıynsha óz erkimen daýys berýge kelgenin kórdik.
Jalpy biz saılaý barysyn ózimiz barǵan barlyq 65 saılaý ýchaskesi boıynsha ashyq ári jaqsy uıymdastyrylǵan úrdis retinde baǵalaımyz.
