Qazaqstannyń demokratııa salasyndaǵy qadamdary EQYU sheńberindegi aldyǵa qoıǵan mindetterine úılese túsetin bolady - Q. Saýdabaev
A. Qańtardyń 20- y. QazAqparat /Qanat Mámetqazyuly/ - Qazaqstannyń demokratııa salasyndaǵy endigi qadamdary EQYU sheńberindegi aldyǵa qoıǵan mindetterine úılese túsetin bolady.
Búgin elordada EQYU-nyń qazirgi tóraǵasy, QR Memlekettik hatshysy-Syrtqy ister mınıstri Qanat Saýdabaev elimizde tirkelgen dıplomatııalyq korpýs ókilderimen kezdesýi barysynda osylaı málim etti, dep habarlaıdy QazAqparat.
Memlekettik hatshy-Syrtqy ister mınıstriniń aıtýynsha, aǵymdaǵy jyly EQYU qatysýshy-memleketterdiń 15-inde prezıdenttik jáne parlamenttik saılaýlar ótedi. Bundaı úlken naýqannyń biri Ýkraınada bastalyp ta ketken.
«Biz BDIPCh pen EQYU Parlamenttik Assambleıasyn óz jumystaryn saılaýdy baqylaý úderisi barysyndaǵy ádildilik pen syndarlylyqtyń qamtamasyz etilýi úshin qoldan kelgenniń barlyǵyn jasaýǵa jáne osy baǵytta qyzmetterdi úılestirýge shaqyramyz. Sonymen birge, EQYU qyzmetindegi adamı ólshemderdiń mańyzdylyǵyn eskere otyryp, biz osy úderisti naqty ustanǵanymyzdy eń aldymen óz elimizde kórsetemiz. Qazaqstannyń demokratııa salasyndaǵy budan keıingi qadamdary óz tóraǵalyǵymyzdyń sheńberindegi aldymyzǵa qoıǵan maqsattarymyz ben mindetterimizge úılese túsetin bolady», dedi Q. Saýdabaev.
