Qazaqstannyń dástúrli dinderiniń merekeleri bizdiń halqymyzdyń tarıhı jolyn rýhanı mazmunmen baıyta tústi - mıtropolıt Aleksandr
ASTANA. QazAqparat - Qazaqstannyń dástúrli dinderiniń merekeleri bizdiń halqymyzdyń tarıhı jolyn rýhanı mazmunmen baıyta tústi. Bul týraly búkil musylman jamaǵatyna jáne barlyq qazaqstandyqtarǵa quttyqtaýynda Qazaqstandaǵy pravoslav shirkeýiniń basshysy, Astana jáne Qazaqstan mıtropolıti Aleksandr málim etti.
«Búginde adamzat adamgershilik baǵdarlarynan aıyrylýy, ekstremızm qaýpi kúsheıe túsken shaqta jetekshi álemdik konfessııalar kóshbasshylary men olardyń jolyn ustanǵandarǵa rýhanı murattar men qundylyqtardy saqtaýda aıryqsha jaýapkershilik júktelip otyr. Syndarly dıalog, ózaza túsinistik pen qurmet qýatty jasampaz kúsh bolyp keledi, sonyń arqasyna ártúrli mádenıetter men dinder adamdarynyń beıbit qatar ómir súrýi qamtamasyz etilýde.
«Bizdiń halqymyzdyń Pasha men Rojdestvony, Naýryz ben Qurban aıtty birge atap ótýi dástúrge aınaldy. Dinder biriktirýshi faktor bolyp otyr, bul adamdardyń tynyshtyqqa, beıbitshilik pen kelisimge senimin arttyrýda», degen bolatyn Prezıdent N.Nazarbaev. Sondyqdan da osy negizde elimiz odan ári gúldene túsip, azamattarymyzdyń ál-aýqaty jaqsarýda, balalardy alańsyz ósirip, erteńgi kúnge senimmen qaraıdy.
Mıropolıt Aleksandr barlyq qazaqstandyqtardy, elimizdiń musylman jamaǵatyn ulyq mereke - Qurban aıt kúnimen quttyqtaı otyryp, barshaǵa ıgilik, izgi isterine tabys jáne Qazaqstannyń ıgiligi jolynda eńbekterine jemis tilegen shynaıy nıetin jetkizdi.
