Qazaqstannyń dári-dármek óndirisi salasyna 234 mln. AQSh dollary kóleminde ınvestıtsııa tartyldy
ASTANA. 5 maýsym. QazAqparat - Qazaqstannyń dári-dármek óndirisi salasyna jalpy kólemi 234 mln. AQSh dollary bolatyn ınvestıtsııa tartyldy.
Bul týraly búgin Astanada halyqaralyq konferentsııa barysynda «FarmMedIndýstrııa» qaýymdastyǵynyń prezıdenti Serik Sultanov málim etti.
«2015 jylǵa qaraı elimizdiń eń iri «Abdi Ibrahim Global Pharm LLP», Santo Member of Polpharma Group (AO Hımfarm), «Romat», «Qaraǵandy farmzaýyty» men Almatylyq «Nobel» kompanııalary jańa farmatsevtıkalyq zaýyttardy salady. Osy maqsatta Qazaqstannyń dári-dármek óndirisi salasyna jalpy kólemi 234 mln. AQSh dollary bolatyn ınvestıtsııa tartyldy», - dep atap ótti S.Sultanov.
Onyń aıtýynsha, Údemeli ındýstrııalyq-ınnovatsııalyq damý memlekettik baǵdarlamasy qazirgi ýaqytta tıimdi sharttar boıynsha shetel ınvestorlaryn tartýǵa múmkindik beredi.
