Qazaqstannyń damý banki óziniń logotıpin jańartty
ASTANA. 11 maýsym. QazAqparat - «Qazaqstannyń damý banki» óziniń logotıpin jańartty. Búgin osyǵan oraı bank arnaıy baspasóz máslıhatyn ótkizdi.
«Biz jańa brend arqyly banktiń bıznes úshin barynsha qoljetimdi, kapıtal naryǵynda barynsha ashyq ári batyl bolyp kele jatqandyǵyn kórsetkimiz keldi. Degenmen bul retti bizdiń bedelimiz asa mańyzdy. Biz memleketke de bızneske de kásibı ári senimdi áriptes bolyp qalǵymyz keledi», - dedi ol.
Onyń atap ótýinshe, banktiń jańa logotıpinde ótken jyldardyń jetistikteri aıqyn kórsetilgen. Rebrendıng aýqymdy ózgeristerdiń aıǵaǵy, jańa strategııalyq mindetterdiń qısyndy qorytyndysy bolyp tabylady. Sonymen qatar qazirgi kezde banktiń uzaq merzimdi strategııasyna ózgerister engizý, bınes protsesterdi ońtaılandyrý jáne nesıe saıasatyn jetildirý jumystary júzege asyrylýda.
Banktiń jańa logotıpinde birneshe bastapqy ıdeıalar belgilengen. Ózekti ıdeıa - banktiń ónerkásipter úshin ósý jáne damý múmkinshilikterin ashatyn, al qarjy uıymdary jáne ulttyq kompanııalarǵa srytqy naryq kózderine jol beretin «muzjarǵysh» beınesi.
