Qazaqstannyń damý baǵyty demokratııamen úndes - Vıron Polıdoras
Grekııa ókiliniń aıtýynsha, bul saılaý Qazaqstan úshin tarıhı sát bolmaq.
«Qazaqstannyń kóshbasshysy bolǵan Nursultan Nazarbaevtyń arqasynda bılik tranzıti beıbit túrde ótip jatyr. Qajetti kezinde durys sheshim qabyldaý óte mańyzdy. Qazaqstan halqy damý dańǵylyna beıbit jolmen qadam basýdy tańdady Búgingi saılaýdy demokratııalyq damýǵa jasalǵan qadam deýge bolady», - dedi halyqaralyq sarapshy.
Vıron Polıdoras saılaý ýchaskelerinde optımıstik kóńil kúı seziletinin de aıtty.
«Qazaqstandaǵy búgingi saılaýdy demokratııalyq protsestiń úlgisi dep aıtýǵa bolady. Barlyq saıası partııalar úmitkerlerin usynǵan. Saılaý, jalpy alǵanda optımıstik, beıbit jaǵdaıda ótip jatyr. Osynyń bárin eskere kele, Qazaqstannyń keleshegi demokratııalyq qundylyqtarmen úndes», - dedi grekııalyq baıqaýshy.
Aıta keteıik, buǵan deıin Majarstan ókili búgingi saılaýda Eýropa elderindegideı barlyq halyqaralyq standarttar saqtalǵanyn aıtqan bolatyn.
Al «Amanat» azamattyq platformasy saılaý barysyna qatysty alǵashqy esebin jarııalady.
Eske salsaq, Qazaqstandaǵy saılaýdy myńnan astam sheteldik baıqaýshy qadaǵalaýda.
