Qazaqstannyń daǵdarysqa qarsy saıasaty jemisti boldy - HVQ
«Biz 2016 jyldyń qorytyndysynda ósim qarqyny shamamen 1 paıyz boldy dep baǵalaımyz. Ol birinshi jartyjyldyqta teris mánge ıe boldy. Sodan keıin jyldyń ekinshi jartysynda birtindep qalpyna keldi. Resmı organdardyń qarymta sharalary barynsha tabysty boldy dep sanaımyz jáne Qazaqstan ekonomıkany turaqtandyra aldy. 2014 jyly týyndaǵan ekonomıkalyq qıyndyqtardan keıingi qaıta qalpyna kelý bastaldy», - dep atap ótti ol.
Onyń aıtýynsha, ekonomıkany turaqtandyrýdaǵy naqty sharalar QR Prezıdenti Nursultan Nazarbaevtyń bastamasymen qolǵa alynǵan reformalardyń arqasynda júzege asyryldy. Bul rette mıssııa jetekshisi «Nurly jol» baǵdarlamasy men Ulttyq bank júrgizgen aqsha-nesıe jáne teńge baǵamy saıasaty ekonomıkaǵa oń serpin bergenin basa aıtty.
«Osydan bir jyl buryn Almatyda bolǵanymda jaǵdaı múldem basqasha edi. Bul - devalvatsııa. Paıyzdyq stavkada joǵary ózgerister boldy. Al bir jyldan keıin jaǵdaıdyń aıtarlyqtaı turaqtalǵanyn kórip otyrmyz. Sondyqtan da Ulttyq banktiń is-áreketi ishki aqsha naryǵyn turaqtandyrýǵa kómek berdi. Bir jaǵynan bul munaı baǵasynyń nyǵaıýyna, ekinshi jaǵynan Ulttyq bank tarabynyń aqsha-nesıe salasyn tıimdi basqarýyna baılanysty. Inflıatsııa qarqyny 18 paıyzdan jyl ortasyna qaraı 8,5 paıyzǵa kemigendigin kórdik. Bul qarqyn aldaǵy ýaqytta da tómendeıtindigin kútemiz», - ded Mark Horton.
