Qazaqstannyń bylǵary qolǵap sheberleri halyqaralyq týrnırde 2 altyn, 4 kúmis, 3 qola enshiledi
ASTANA. 11 naýryz. QazAqparat - Keshe Ázirbaıjan astanasy Bakýde aıaqtalǵan «Uly Jibek joly - 2012» atty eresekter arasyndaǵy bokstan halyqaralyq týrnırde Qazaqstannyń bylǵary qolǵap sheberleri 2 altyn, 4 kúmis, 3 qola enshiledi,
dep habarlady elimizdiń Boks federatsııasynyń baspasóz qyzmetinen.
Atalǵan týrnırde el namysyn QR Ulttyq quramasynyń ekinshi nómirli 6 boksshysy jáne respýblıkanyń eki oblysynyń 5 bylǵary qolǵap sheberi qorǵady. Sonymen, altyn júldege mańǵystaýlyq Súleımen Berdiqaev jáne ulttyq quramanyń múshesi Alekseı Sevastıanov ıe boldy. Kúmis medaldi Oljas Sáttibaev, Berik Ábdirahmanov, Erik Áljanov jáne Almat Serimov enshiledi. Al qola júlde Temirtas Júispovke, Mádı Sholaqovqa jáne Marat Moldagereevke buıyrdy.
Aıta keteıik, atalǵan baıraqty básekege álemniń 9 elinen 86 bylǵary qolǵap sheberi qatysty.
