Qazaqstannyń BUU Qaýipsizdik Keńesine tóraǵalyǵyn Qytaı joǵary baǵalaıdy - Elshi
«Qazaqstannyń BUU Qaýipsizdik Keńesine tóraǵalyq etýi eldiń halyqaralyq arena men óńirlik isterdegi mańyzdy rólin kórsetedi. Biz Qazaqstannyń álemdegi beıbitshilikti qoldaý men ulttyq ekonomıkanyń damýyna qoldaý bildirýin joǵary baǵalaımyz. Kórshiles memleketter de, álem elderi de Qazaqstannyń rólin joqqa shyǵara almaıdy. Barlyǵy qazaq halqynyń jetistikterine qyzyǵa qaraıdy. Biz sizderdi quttyqtaımyz», - dedi elshi QR Qarýly Kúshteriniń áskerı-tarıhı mýzeıinde «Búgingi Qytaı» fotokórmesiniń ashylý saltanatynda.
Dıplomat Qytaıdyń Qazaqstannyń egemendigi, aımaqtyq tutastyǵy, syrtqy jáne ishki saıasaty jáne turaqtylyǵyna qoldaý bildiretinin atap ótti.
Onyń aıtýynsha, Qazaqstan men Qytaı - ózara qurmet, teńdik jáne ózara tıimdilikke negizdelgen barlyq tarap boıynsha strategııalyq seriktester.
«Biz shekaramyzdy demarkatsııalaýdy tolyǵymen aıaqtadyq - eki el arasyndaǵy dostyq shekarasy 1780 shaqyrymdy qurady. Biz Qazaqstandy eń jaqyn dosymyz, týǵan baýyrymyz jáne senimdi seriktesimiz dep qabyldaımyz. Aradaǵy qarym-qatynasty ortaq bolashaq úshin quryp kelemiz jáne dostyq alaýyn urpaqtan-urpaqqa jetkizýge daıynbyz», - deıdi Qazaqstandaǵy QHR elshisi.
