Qazaqstannyń BUU Adam quqyqtary jónindegi keńesine múshe bolýy elimizdegi adam quqyqtaryn qorǵaý salasyndaǵy tabystarynyń moıyndalýy - Q. Mámı
«Qazaqstan BUU Adam quqyqtary jónindegi keńesiniń múshesi bolyp saılandy. Osynaý orasan jetistik bizdiń elimizdiń halyqaralyq bedeliniń kórinisi ári adam quqyqtaryn qorǵaý salasyndaǵy tabystarynyń moıyndalýy bolyp tabylady. Qazaqstanda genderlik teńdik, dinı senim bostandyǵy qamtamasyz etildi, áleýmettik álsiz toptar udaıy qoldaý taýyp keledi. Daǵdarys kezinde memleket qatardaǵy úleskerlerdiń quqyqtary men múddelerin barynsha qorǵap otyrdy», - dep jazady Senat spıkeri.
Budan bólek, Tóraǵa Q. Mámı Qazaqstannyń adam quqyqtary salasyndaǵy BUU-nyń barlyq negizgi konventsııalaryna qosylǵanyn, bul jumys úzdiksiz júrýde ekenin alǵa tartady. «Mysaly, keshe Prezıdent N.Á.Nazarbaev Balalardy halyqaralyq urlaýdyń azamattyq-quqyqtyq aspektileri týraly konventsııany ratıfıkatsııalaý jónindegi zańǵa qol qoıdy. Qazaqstan Parlamenti de óz tarapynan azamattar quqyqtaryn qorǵaý, azamattyq qoǵam ınstıtýttaryn nyǵaıtý salasyndaǵy memlekettik saıasatty zańnamalyq turǵyda qoldaýdy jalǵastyra beredi», - dep jazady Senat Tóraǵasy.
