Qazaqstannyń búkil aýmaǵy jaýyndy bolyp, cońy jabysqaq qarǵa aınalady
ASTANA. QazAqparat - «Qazgıdromet» RMK 2014 jylǵy 2-4 qazanǵa arnalǵan aýa raıy boljamyn jarııalady.
«Qazan aıynyń basy jaýyndy bolyp, jabysqaq qarǵa aınalady. Buǵan Barents teńizindegi belsendi tsıklon áser etip otyr. Taıaýdaǵy úsh kúnniń ishinde Batys Sibir aýmaǵynda onymen baılanysty sýyq atmosferalyq aǵyndar týyndap, jaýyn-shashynǵa, jabysqaq qarǵa soqtyrady, soltústik-batystan kúshti jel turyp, Qazaqstannyń barlyq aýmaǵynda derlik túnde aýanyń temperatýrasy 0-5 gradýsqa deıin sýytady», - delingen habarlamada.
Respýblıkanyń ońtústiginde jáne ońtústik-shyǵysynda ǵana jańbyr jaýyp, 4 qazanda munda da keıbir aýdandarda 0-2 gradýsqa deıin kún sýytýy yqtımal.
