Qazaqstannyń buqaralyq aqparat quraldary dıalog alańynda kezdesti
«Búgin osy festıvalge 30-ǵa jýyq buqaralyq aqparat quraldary qatysýda. Bul úlken jumystyń bastaýy dep bilemin. Aqparat jáne muraǵat komıteti men «Bas redaktorlar klýby» birqatar sharalardy uıymdastyrdy jáne biz kórme-festıval sekildi alańdar búginde jetispeıtinin anyqtadyq. ıAǵnı, bul sharalar óz kezeginde BAQ redaktsııalarynyń jetistikterin jáne basqa da qadamdaryn kórsetý úshin mańyzdy. Osy sharanyń Táýelsizdik kúni qarsańynda ótip jatqandyǵynda nyshandyq máni bar. Búginde qazaqstandyq aqparattyq keńistik osy aıtýly kúnge úlken jetistiktermen aıaq basty», - dep atap ótti QR Mádenıet jáne aqparat mınıstrliginiń Aqparat jáne muraǵat komıtetiniń tóraǵasy Bolat Qalııanbekov.
Osy oraıda komıtet tóraǵasy búginde «Qazmedıa ortalyqta» 9 telearna men 3 radıo jumys istep jatqandyǵyn, sondaı-aq aldaǵy ýaqytta bul kórsetkish arta túsetinin, atalǵan ortalyqtyń múmkindikteri aıtarlyqtaı joǵary ekenin tilge tıek etti.
«ıAǵnı, bul alań budan kóp telearnalar men radıolardy qurýǵa ashyq. Búginde Qazaqstannyń aqparattyq keńistiginde 2700-den astam BAQ jumys isteýde. Onyń 80 paıyzdan astamy memlekettik emes. Bizdiń medıa naryq qalyptasty dep nyq senimmen aıtýǵa bolady. Sebebi bul sala belsendi damýda», - dedi Bolat Qalııanbekov. Sóz sońynda komıtet basshysy «Bas redaktorlar klýby» bıyl bes jyldyq mereıtoıyn atap ótkenin eskerip ótti.
Óz kezeginde «Bas redaktorlar klýbynyń» prezıdenti Kenjebolat Joldybaı «Qazaqstan Respýblıkasynyń barlyq BAQ» tuńǵysh kórme-festıvaldi ótkizilip otyrǵanyn aıta kele, «bul jumystar aldaǵy ýaqytta óziniń jalǵasyn tabatynyna meniń esh kúmánim joq. Jalpy búgingi kórme- festıvaldiń negizgi maqsaty - bul buqaralyq aqparat quraldary men halyqty etene jaqyndastyrýdyń utymdy tetigi dep esepteımin. Halyq pen BAQ jaqyn bolsa, ıaǵnı ashyq azamattyq qoǵam jolynda mańyzdy dep sanaımyn», - dedi.
Onyń sózine qaraǵanda, festıval aıasynda sheberlik-synyptary, trenıngter, BAQ redaktsııalarynyń ózderiniń oqyrmandarymen, kórermenderimen, tyńdaýshylarymen kezdesýi uıymdastyrylmaq.
Kórme-festıval aýqymynda Bas redaktorlar klýbynyń jyl saıynǵy «Qazaqstannyń tańdaýly redaktory», sondaı-aq «Eýrazııanyń altyn qalamushy» syılyqtary tapsyrylady.
Sharany QR Mádenıet jáne aqparat mınıstrligi, Bas redaktorlar klýby QR Tuńǵysh Prezıdenti kúnine, el Táýelsizdigi kúnine jáne Qazaqstannyń bas redaktorlar klýbynyń 5 jyldyq mereıtoıyna oraı uıymdastyryp otyr.
