Qazaqstannyń búgingideı jańa turpatty memleket retinde qalyptasýynda Elbasynyń tarıhı róli ólsheýsiz - G. Ábdihalyqova
Onyń aıtýynsha, alda kele jatqan 1 jeltoqsan - Qazaqstannyń Tuńǵysh Prezıdenti kúni merekesi Qazaqstan halqy úshin, onyń ishinde eldegi birlikti bekemdeýge eńbek sińirip júrgen Qazaqstan halqy Assambleıasynyń músheleri úshin máni men mańyzy erekshe.
"Óıtkeni Qazaqstannyń búgingideı jańa turpatty memleket retinde qalyptasýynda, ishki turaqtylyq pen halyqtyń birligin nyǵaıtýda Tuńǵysh Prezıdentimiz - Elbasy Nursultan Ábishuly Nazarbaevtyń tarıhı róli ólsheýsiz ekeni sózsiz. Elbasy eshbir memlekette bolmaǵan biregeı qoǵamdyq ınstıtýt - Qazaqstan halqy Assambleıasyn quryp, etnosaralyq qatynastardy jetildirýde jemisti isterge jol ashty. Prezıdenttiń jaqynda halyqqa arnaǵan "Nurly jol - bolashaqqa bastar jol" atty Joldaýynyń rýhanı tereńdigi jáne áleýmettik júgi de asa aýqymdy. Bul baǵytta Memleket basshysy 2015 jyly búkil halyq bolyp atap ótiletin aýqymdy is-sharalardy aıqyndap berdi. Kelesi jylǵa belgilengen Qazaq handyǵynyń 550 jyldyǵyn, Qazaqstan halqy Assambleıasy men Konstıtýtsııamyzdyń 20 jyldyǵyn, Uly Jeńistiń 70 jyldyǵyn joǵary deńgeıde uıymdastyryp, eldiń tutastyǵyn odan ári bekite túsý - barshamyzdyń mindetimiz", - deıdi G. Ábdihalyqova.
"Sonymen qatar 2015 jyl - Qazaqstan halqy Assambleıasynyń jyly dep belgilendi. ıAǵnı aldaǵy jyly uıymdastyrylatyn jalpyhalyqtyq is-sharalar deni eldiń turaqtylyǵy men birligine, halyqtyń tatýlyǵy men tynyshtyǵyna baǵyttalmaq. Sondyqtan búgingi keńeste osy aıtýly jyldy ótkizýge daıyndyq barysy talqylanyp, alda atqarylar jumystar naqtylanady", - dep túıdi oıyn Memlekettik hatshy.
Keńes otyrysyna Parlament depýtattary, memlekettik organdardyń ókilderi, respýblıkalyq etnobirlestikter, QHA ǵylymı-saraptamalyq keńestiń músheleri qatysty.
Otyrys barysynda QHA ınternet saıtynyń jańa dızaıny bekitildi jáne Qazaqstan halqy Assambleıasy ótkizgen áleýmettik jobalardyń jármeńke-kórmesi uıymdastyryldy.
