Qazaqstannyń boks quramasy Azııa chempıonatynyń úzdigi atandy
ULANBATYR. QazAqparat – Bokstan Ulanbatyrda (Mońǵolııa) ótken jastar arasyndaǵy Azııa chempıonaty Qazaqstan úshin tabysty boldy, dep habarlaıdy QazAqparat Sports.kz-ke silteme jasap.
Erler arasynda jalpykomandalyq esepte Qazaqstan quramasy alty altyn, bir kúmis jáne eki qola — jalpy toǵyz medal jeńip aldy. Muhammetsabyr Bazarbaıuly (49 kg), Mahmut Sabyrhan (52 kg), Beıbarys Jeksen (56 kg), Darhan Dúısebaı (64 kg), Toǵambaı Saǵyndyq (91 kg) jáne Amanat Sabyrǵalı (+91 kg) Azııa chempıony atansa, Azamat Bektas (75 kg) kúmis júldeger boldy, al qola medaldy Marǵulan Aıdaruly (69 kg) men Erasyl Jakpekov (81 kg) qorjynǵa saldy.
Chempıonat qorytyndysy boıynsha Qazaqstan Ózbekstan men Japonııa komandalaryn artqa tastady.
Bokstan jastar arasyndaǵy 2019 jylǵy Azııa chempıonatynyń úzdik úsh komandasy:
1. Qazaqstan — 6-1-2 (9)
2. Ózbekstan — 3-3-2 (8)
3. Japonııa — 1-0-2 (3).
