Qazaqstannyń bitimgerlik áskeri Lıvandaǵy mıssııaǵa daıyndalýda

ASTANA. QazAqparat - QR Qarýly kúshteriniń Ulttyq áskerı-patrıottyq ortalyǵynda Birikken Ulttar Uıymynyń Lıvandaǵy Ýaqytsha kúshterindegi úndi batalonynyń quramynda qazaqstandyq bitimgershilik kontıngentti birlesip kúsheıtý tártibi týraly Qazaqstan Respýblıkasy men Úndistan Respýblıkasy úkimetteriniń arasynda ózara túsinistik týraly memorandýmǵa qol qoıyldy, dep habarlaıdy QazAqparat QR Qorǵanys mınıstrligine silteme jasap.

Atalmysh memorandýmǵa Qazaqstan tarapynan QR Qorǵanys mınıstriniń orynbasary, general-leıtenant Talǵat Muhtarov, Úndistannan Qazaqstan Respýblıkasyndaǵy Úndistan Respýblıkasynyń Tótenshe jáne ókiletti elshisi Prabhat Kýmar qol qoıdy.

Memorandýmnyń negizgi maqsaty - «Birikken Ulttar Uıymynyń Lıvandaǵy ýaqytsha kúshteri» mıssııasyndaǵy QR Qarýly kúshteriniń bitimgerlik bólimsheleri úshin quqyqtyq negizdi qalyptastyrý, sondaı-aq, atalǵan mııssııaǵa qatysatyn áskerı qyzmetkerlerdiń quqyqtyq mártebesin anyqtaý.