Qazaqstannyń bıshi qyzdary Qytaı chempıonatynyń úzdik úshtigine endi
BEIJІŃ. QazAqparat - Beıjińde sporttyq bal bılerinen ótken Qytaıdyń Ashyq kýbogynda Qazaqstan ókilderi Kamılla Rýstamova men Amıra Qabazıevalar sátti óner kórsetti, dep habarlaıdy «QazAqparat» HAA-nyń Beıjińdegi tilshisi.
Jarystarǵa Qytaıdyń barlyq bı mektepterinen 500-den astam bala qatysty.
9 jasar Kamılla Rýstamova 10 jasqa deıingi sanatta latınoamerıkalyq («latıno solo») jáne eýropalyq (vals) baǵdarlamalarda eki úshinshi oryn ıelendi. Jattyqtyrýshysy - Marııa Vladımırovna. Ol buǵan deıin Astanada sporttyq gımnastıka sektsııasyna qatysqan.
Onyń qurdasy Amıra Qabazıeva da latınoamerıkalyq («latıno solo») jáne eýropalyq (vals) baǵdarlamalarda eki úshinshi orynǵa qol jetkizdi, biraq 11 jasqa deıingiler sanatynda. Ol Beıjińde bal bıleri sektsııasyna baryp júrgenine eki jyl boldy. Oǵan deıin Qazaqstanda Alma Saǵadıevnanyń jetekshiligindegi «Kóbelek» ansamblinde shyǵys jáne álem halqy bılerin úırenip kelgen. 2017 jyldyń qazan aıynda jas talant Nankınde ótetin sporttyq bal bılerinen halyqaralyq chempıonatqa qatysýǵa nıetti.
