Qazaqstannyń bırjalyq qaýymdastyǵy quryldy
ALMATY. 22 qarasha. QazAqparat /Erlik Erjanuly/ - "ETS" taýar bırjasy" AQ-nyń baspasóz qyzmeti 19 qarasha kúni Almatyda "Qazaqstannyń bırjalyq qaýymdastyǵy" Zańdy tulǵalar birlestiginiń quryltaı jınalysy ótkeni týraly baspasóz málimdemesin taratty.
Jańa qaýymdastyqtyń quryltaıshylary "ETS taýar bırjasy", "Astana" ámbebap taýar bırjasy" aktsıonerlik qoǵamdary men "Qazaq-Tájik astyq kompanııasy", "Torino-06" jaýapkershiligi shekteýli seriktestikteri. Maqsat - Qazaqstanda uıymdasqan naryqty qalyptastyrý jáne damytý. Qaýymdastyqqa bırjalar, brokerler men dıllerler múshe bola alady. Qazaqstan bırjalyq qaýymdastyǵy óz qyzmetin júzege asyrý kezinde: bırjalyq qyzmetti retteý júıesin jetildirý men damytýǵa yqpal etý; Bırjalyq operatsııalardy júrgizýdiń standarttary men tártibine qatysty normalardy jasap, qabyldaýdy júzege asyrmaq. Sondaı-aq uıymdasqan naryqtar qyzmetiniń tıimdiligin qamtamasyz etýge; Uıymdasqan naryqtarda etıkalyq normalardy bekitý jáne kásibı qoǵamdastyqty qalyptastyrýǵa; qaýymdastyq múshelerimen ózara tájirıbelik baılanystardy ornatý jáne olardyń kúsh-jigerin jalpy bıznes-jobalardy júzege asyrýǵa biriktirýge; qaýymdastyqtyń jáne onyń múshelerin qyzyǵýshylyqtaryn qorǵaýǵa erekshe kóńil bólmek.
