Qazaqstannyń biryńǵaı astyq holdıngi astyqty keri satyp alý tetikterin ázirleýde
ASTANA. QazAqparat - Qazaqstannyń biryńǵaı astyq holdıngi astyqty keri satyp alý tetikterin ázirleýde. Bul týraly «Azyq-túlik kelisimshart korporatsııasy» UK» AQ tóraǵasynyń birinshi orynbasary Rınat Aqberdın QazAqparat tilshisiniń resmı saýalyna oraı málim etti.
«Keri satyp alý quqyǵy - Biryńǵaı astyq holdıngine engen astyq óndirýshilerdi qoldaýdyń bir túri. Biryńǵaı astyq holdınginiń kontseptýaldy modeline sáıkes onyń músheleri oǵan qatysýdan qosymsha paıda alý múmkindigine ıe bolady. Bul rettegi paıda - naryqtyq konıýktýraǵa baılanysty astyqty basqarý quqyǵyn paıdalaný múmkindigi. Ózderi óndirgen astyqty Azyq-túlik kelisimshart korporatsııasyn satqan Biryńǵaı astyq holdınginiń qatysýshylar bul astyqty naryqtyq baǵa kóterilgen kezde erkin naryqta satý úshin keri satyp ala alady. Bul jalpyǵa tanylǵan, astyq ósirýshi elderde oń tájirıbege ıe bolǵan tetik», - dedi ol óziniń resmı jaýabynda.
Sonymen qatar ol osy sheshim esebinen biryńǵaı astyq holdıngine qatysýshy astyq óndirýshilerdiń tabysy arta túsetindigin atap ótken. Atalǵan tetik ázirlený ústinde. Qujat daıyn bolǵan soń Biryńǵaı astyq holdıngi basqarýshy keńesiniń sheshimimen qabyldanyp, kúshine enetin bolady.
