Qazaqstannyń birneshe óńirinde sýly nasyndarda qaıǵyly oqıǵalar oryn aldy
ASTANA. 27 maýsym. QazAqparat - Seısenbi kúni Atyraý oblysynda Jaıyq ózeninen TJD sý-qutqarý qyzmetiniń kúshimen jas adamnyń denesi shyǵaryldy, dep habarlady QR TJM-nen.
25 jastaǵy jigit jeksenbi kúni sýǵa shomylý kezinde batyp ketti.
Keshe keshqurym, Shyǵys Qazaqstan oblysynda №1 jasandy qazanshuńqyrǵa shomylý kezinde 45 jastaǵy er adam batyp ketti. Al dúısenbi kúni keshke, ShQO Rıdder qalasyndaǵy Úlbi ózenine sýǵa túsý barysynda 30 jastaǵy er adam batyp ketti. Onyń múrdesi seısenbi kúni kúndiz QR TJM Shyǵys Qazaqstan oblysy boıynsha TJD sý-qutqarý qyzmetiniń (5 adam jáne 1 tehnıka birligi) kúshimen shyǵaryldy.
Sýdaǵy qaıǵyly oqıǵalar Almaty oblysynda da oryn aldy. Munda Sarqand ózenine 6 jasar bala batyp ketti. Qaraǵandy oblysynyń Qarajar aýylynda qazanshuńqyrda shomylǵan er adam sýǵa ketti, al 67 jastaǵy er adam - Sátbaev atyndaǵy arnada mert boldy.
