Qazaqstannyń birneshe óńirinde nóser jaýady
NUR-SULTAN. QazAqparat - Qazgıdromet 25-27 sáýir kúnderine arnalǵan aýa raıy boljamyn jarııalady, dep habarlaıdy QazAqparat.
«Qazaqstannyń soltústik oblystarynda áli de sýyq arktıkalyq aýa aǵyndary áserinen jańbyrly aýa raıy saqtalady, túngi ýaqyttarda jańbyrdyń arty qarǵa ulasýy múmkin. Al ońtústik tsıklonǵa baılanysty ońtústik, ońtústik-shyǵys, ortalyq jáne shyǵys óńirlerde jańbyr, keı jerlerde nóser jaýyp, naızaǵaı jarqyldaıdy, burshaq jaýýy yqtımal. Aýa temperatýrasy ortasha kóp jyldyq mánge jýyq jáne odan tómen bolady», - delingen habarlamada.
