Qazaqstannyń birneshe óńirinde kún sýytady
NUR-SULTAN. QazAqparat - Respýblıkanyń birneshe óńirinde aýa raıynyń buzylýyna baılanysty eskertý jarııalandy, dep habarlaıdy QazAqparat.
«Qazgıdromet» aqparatynsha, 12 naýryzda Qyzylorda oblysynda kóktaıǵaq, boran kútiledi. Soltústik-shyǵystan soǵatyn jel túnde keı jerlerde 15-20 m/s, kúndiz 15-20, keıde 25 m/s-qa deıin jetedi.
Qaraǵandy oblysynda jaıaý burqasyn bolady. Jel ońtústik-batystan soǵady, túndegi jel ekpini 15-20 m/s-qa deıin jetedi.
Mańǵystaý oblysynda keı jerlerde boran, kóktaıǵaq kútiledi, jel 17-22 m/s deıin kúsheıedi.
Qostanaı oblysynda keı jerlerde jaıaý burqasyn men tuman bolady. Batystan, soltústik-batystan soqqan jeldiń jyldamdyǵy keı jerlerde 15-20 m/s jetedi.
Aqmola oblysynda keı jerlerde jaıaý burqasyn, tuman túsýi yqtımal. 12 naýryz kúni túnde batystan, soltústik-batystan turǵan jel 15-20-ǵa jetip, ekpini 23-28 m/s deıin barady.
12-14 naýryz aralyǵynda Shyǵys Qazaqstan oblysynda keı jerlerde boran turyp, tuman túsedi. Ońtústik-batystan soqqan jel soltústik-batysqa aýysyp, keıde ekpini 23-28 m/s jetedi. Al aýa temperatýrasynyń 2-7 gradýstan 20-25-ke deıin tómendeýi kútiledi, keı jerlerde 30-ǵa deıin sýytady. Al óńirdiń ońtústiginde 15-ke deıin. 13 naýryz kúni oblystyń basym bóliginde qar jaýýy múmkin.
12-13 naýryzda Soltústik Qazaqstan oblysynda aýa temperatýrasy kúrt tómendeıdi – 13-15-ten 25-30-ǵa deıin, keıde 22 gradýs aıaz.
13-14 naýryzda Túrkistan oblysynda keı jerlerde qatty jaýyn-shashyn (jańbyr, qar), tuman, kóktaıǵaq kútiledi. 12 naýryzda kúndiz kóp jerlerde ońtústik-batys jaqtan turǵan jel soltústik, soltústik-shyǵysqa aýysady, bul kúnderi jel 15-20, ekpini 23-28 m/s deıin barady. 12 naýryzda kúndiz taýly aımaqtarda jel ekpini 30 m/s jetip, keıde odan da joǵary bolmaq. 13 naýryzda kúndiz aýa temperatýrasy kúrt tómendeıdi, 16-20-dan keıde 6-11, 3-8 gradýs jyly, keı jerlerde 0-5 gradýs sýyqtyqty kórsetedi.
