Qazaqstannyń birneshe óńirinde kún kúrkirep, burshaq jaýady
NUR-SULTAN. QazAqparat – Qazaqstan astanasynda jáne birqatar oblystarda aýa raıyna baılanysty eskertý jarııalandy, dep habarlaıdy QazAqparat «Qazgıdromet» RMK-ǵa silteme jasap.
Sınoptıkterdiń málimetinshe, Aqmola oblysynda 17 maýsymda naızaǵaı oınap, burshaq jaýady. Soltústik-shyǵystan, soltústikten jyldamdyǵy 15-20 m/s jel soǵady. Oblystyń basym bóliginde órt tutaný qaýpi bar.
Nur-Sultan qalasynda 17 maýsymda naızaǵaı oınap, soltústikten ekpini 15-18 m/s jel soǵady. Eskertýdiń yqtımaldyǵy 85-90%.
Soltústik Qazaqstan oblysynda 17-18 maýsymda túnde jáne tańerteń keı jerlerge tuman túsedi. Naızaǵaı oınap, batystan soqqan jeldiń baǵyty soltústikke aýysyp, jyldamdyǵy 15-20 m/s bolýy yqtımal. Petropavlda 17-18 maýsymda batystan soqqan jeldiń baǵyty soltústikke aýysyp, jyldamdyǵy 15-20 m/s bolýy múmkin. Eskertýdiń yqtımaldyǵy 90-95%.
Qaraǵandy oblysynda 17 maýsymda naızaǵaı oınap, daýyl soǵady jáne burshaq jaýady. Soltústik-shyǵys, soltústikten soqqan jeldiń ekpini 15-20 m/s bolady. Qaraǵandyda túnde kún kúrkirep, soltústik-shyǵys, soltústikten jyldamdyǵy 15 m/s jel soǵady. Eskertýdiń yqtımaldyǵy 75-80%.
Shyǵys Qazaqstan oblysynyń keı jerlerinde 17 maýsymda naızaǵaı oınaıdy. Kúndiz burshaq jaýýy múmkin. Soltústik-shyǵys, shyǵystan soqqan jeldiń ekpini 15-20 m/s bolady.
17 maýsym kúndiz Qostanaı oblysynda kún kúrkireıdi. Soltústik-batys, batystan soqqan jeldiń ekpini 18 m/s-ke jetedi. Eskertýdiń yqtımaldyǵy 90-95%.
