Qazaqstannyń birneshe óńirinde aýa raıyna baılanysty eskertý jarııalandy
NUR-SULTAN. QazAqparat – «Qazgıdromet» RMK aýa raıynyń qolaısyzdyǵyna baılanysty Aqmola, Qostanaı, Qyzylorda, Mańǵystaý jáne Soltústik Qazaqstan oblystarynda eskertý jarııalady, dep habarlaıdy QazAqparat.
13 jeltoqsanda Aqmola oblysy men Kókshetaý qalasynyń keı jerlerine tuman túsip, kóktaıǵaq jáne burqasyn bolady. Ońtústik-batystan soǵatyn jeldiń baǵyty soltústik-batysqa aýysyp, keı jerlerde onyń kúshi 15-20 m/s-ke jetýi yqtımal.
Osy kúni Qostanaı oblysy men Qostanaı qalasynda túnde qar jaýady. Keı jerlerde burqasyn, tuman, kóktaıǵaq kútiledi. Soltústik-batystan jel soǵyp, onyń ekpini keı jerlerde 15-20 m/s-ke jetedi.
13 jeltoqsanda Qyzylorda oblysynyń basym bóliginde jaýyn-shashyn (jańbyr, qar) túsip, kóktaıǵaq bolady. Tańerteń jáne kúndiz ońtústik-batystan soqqan jeldiń baǵyty soltústik-batysqa aýysyp, keı jerlerde jyldamdyǵy15-20 m/s-ke jetýi múmkin.
Sondaı-aq, osy kúni Soltústik Qazaqstan oblysynyń keı jerlerinde túnde burqasyn, kóktaıǵaq bolýy yqtımal. Keı jerlerge tuman túsedi. Soltústik-batystan soqqan jeldiń kúshi 15-20 m/s-ke jetedi.
Petropavl qalasynda túnde burqasyn bolady.
13 jeltoqsanda Mańǵystaý oblysynyń keı jerlerine tuman túsedi. Osy kúni túnde jáne tańerteń Aqtaýda da tuman bolady.
