Qazaqstannyń birneshe oblystarynda joldar jabyldy
ASTANA. QazAqparat - Aýa raıynyń nasharlaýyna baılanysty Aqmola, Pavlodar jáne Qaraǵandy oblystarynda avtokólik qozǵalysy jabyldy, dep habarlady QR ІІM Tótenshe jaǵdaılar komıteti.
Aqmola oblysynda aýa raıynyń nasharlaýynpa baılanysty (burqasyn, kórinimniń nasharlaýy, kóktaıǵaq) «Ekaterınbýrg-Almaty» (1275-1353 shaqyrym), «Astana-Ereımentaý-Shiderti» (16-205 shaqyrym) avtojoldary ýchaskesinde júk jáne qoǵamdyq avtokólik úshin qozǵalys jabyldy.
Pavlodar oblysynda kórinimniń nasharlaýy jáne kóktaıǵaq saldarynan «Ýlıanovsk-Qaraǵandy oblysynyń shekarasy» (94-294 shaqyrymdar) jáne «Pavlodar qalasy-Ýspen-RF shekarasyna deıin» (0-152 shaqyrym) avtojoldary ýchaskelerinde avtokóliktiń barlyq túrleri úshin qozǵalys jabyldy.
Sonymen birge, «Astana-Ereımentaý-Shiderti» (205-259 shaqyrym) joly ýchaskesinde avtokóliktiń barlyq túrleri úshin qozǵalys jabyldy.
Qaraǵandy oblysynda «Almaty-Ekaterınbýrg» (1037-1142 shaqyrym) avtojoly ýchaskesinde qoǵamdyq jáne júk avtokóligi úshin, «Botaqara-Qalqaman» (0-93 shaqyrym) avtojolynda kólikterdiń barlyq túrleri úshin qozǵalys jabyldy.
Sondaı-aq «Astana-Qaraǵandy» jáne «Astana-Pavlodar» avtojoldary ýchaskelerinde qoǵamdyq jáne júk avtokóligi úshin qozǵalysqa tyıym salynǵany habarlandy.
