Qazaqstannyń birqatar temir jol stansasynyń ataýy ulttyq sıpatqa ıe boldy
ASTANA. QazAqparat - Qazaqstannyń birqatar temir jol stansasynyń ataýy ulttyq sıpatqa ıe boldy. Bul týraly «Aıqyn» gazetiniń bas redaktory Nurtóre Júsip óziniń Feısbýktegi paraqshasynda jazdy.
«Úkimet janyndaǵy onomastıka komıssııasynyń kezekti otyrysynda Qazaqstandaǵy birqatar temirjol stansalarynyń ataýy ulttyq sıpatyna oraldy: Alma-Ata-1, Alma-Ata-2-niń ornyna Almaty-1, Almaty-2 dep, Kýstanaı - Qostanaı, Osakarovka - Sarybel, Karernaıa - Ortas, Semıpalatınsk - Semeı, Taldy-Kýrgan - Taldyqorǵan, Chımkent - Shymkent, Sary-agach - Saryaǵash, Djetisaı - Jetisaı, Djambýl - Taraz, Saksaýlskaıa - Sekseýil, Kazalınsk - Qazaly, Djýsaly - Josaly, Tıýratam - Tóretam, Hor-hýt - Qorqyt, Djalagash - Jalaǵash, Kzyl-Orda - Qyzylorda, Solo-tobe - Sulýtóbe, Chıılı - Shıeli, Tıýmen-aryk - Tómenaryq úlgisinde qaıta jańartyldy. Jalpy stansalar boıynsha 91 ataý ózgertildi. Qalyń aǵaıynǵa qutty bolsyn aıtamyz!» - dep jazdy Nurtóre Júsip.
