Qazaqstannyń birqatar tanymal sportshylary «Nur Otan» qataryna ótti
amyrdyń 31-i. QazAqparat /Qanat Mámetqazyuly/ - Qazaqstannyń birqatar elge tanymal sportshylary «Nur Otan» HDP qataryna ótti.
Búgin partııa Tóraǵasynyń birinshi orynbasary Nurlan Nyǵmatýlın elimizdiń 15 sportshysyna saltanatty túrde partııalyq bıletti tabys etti, dep habarlaıdy QazAqparat.
Partııanyń qataryn tolyqtyryp, jańadan tizimge engenderdiń arasynda elimizge asa tanymal sportshylar - HHІ qysqy Olımpıada oıyndarynyń kúmis júldegeri Elene Hrýstaleva, aýyr atletıkadan álem chempıony Vladımır Sedov, jastar arasyndaǵy Azııa chempıony, boksshy Mereı Aqshalov, taekvandodan Beıjiń Olımpıadasynyń qola júldegeri Arman Shilmanov sekildi azamattar bar.
Partııa bıletterin tabys etý barysynda N. Nyǵmatýlın búgingi qazaqstandyq sportshylardyń jetken jetistikterine toqtala kele, bunyń óskeleń urpaq úshin tárbıelik mańyzy zor ekendigin, sondyqtan da «Nur Otan» partııasy salaýatty ómir saltyn dáripteýde elimizdiń tanymal sportshylaryna úlken úmit artatynyn jetkizdi.
«Endigi maqsat - kelesi jyly óz úıimizde, Qazaqstanda ótetin VII qysqy Azııa oıyndarynda úlken sheberlik tanytý bolyp tabylady. Biz, Qazaqstan halqynyń senimine ıe bolǵan, elimizdegi eń aýqymdy saıası uıymnyń qataryn tolyqtyra otyryp, sizderdiń buqarany sportqa tartýǵa úlken kúsh-jiger tanytatyndaryńyzǵa senimmen qaraımyz», dedi N. Nyǵmatýlın.
