Qazaqstannyń birqatar ońtústik jáne batys óńirlerinde kúshti aıaz saqtalady - 7 aqpanǵa arnalǵan aýa raıy
ASTANA. 6 aqpan. QazAqparat - Qazaqstan Respýblıkasynyń Qorshaǵan ortany qorǵaý mınıstrliginiń «Qazgıdromet» RMK boljaýynsha, 7 aqpanda respýblıkanyń ońtústik jáne batys oblystarynyń keı jerlerinde qar jaýý, qatty jel, qarly burqasyn, tuman saqtalady.
Qazaqstannyń basym aýmaǵy arqyly atmosferalyq aǵymdardyń ótýine baılanysty kún raıy turaqsyz bolady dep kútilýde. Respýblıkanyń soltústigine sýyq antıtsıklonnyń yqpaly saqtalady.
Qalǵan aýmaq bóliginde negizinen kún raıy ashyq bolady.
Shyǵys Qazaqstan, Aqtóbe jáne kúndiz Qostanaı oblystarynyń jekelegen jerlerinde 15-20 m/s jyldamdyqpen jel soǵady dep kútýde.
Mańǵystaý oblysynyń keı aýmaqtarynda kóktaıǵaq bolady. Ońtústik Qazaqstan oblysynda kúndiz 15-20 m/s jyldamdyqpen jel soǵady.
Shyǵys Qazaqstan oblysynda jáne kúndiz Jambyl oblysynda 15-20 m/s jyldamdyqpen jel soǵyp, tuman bolady dep kútilýde.
Túnde Almaty, Jambyl jáne Ońtústik Qazaqstan oblystarynyń jekelegen jerlerinde kúshti aıaz saqtalady. Qyzylorda oblysynda da kúshti aıaz saqtalady. Mańǵystaý oblysynda túnde kúshti aıaz saqtalady, jekelegen jerlerinde kúshti aıaz bolady.
Aldaǵy táýlikte Ońtústik Qazaqstan, Qyzylorda, Jambyl, Almaty jáne Shyǵys Qazaqstan oblystaryndaǵy ózenderdiń deninde muz qatý protsesterine baılanysty sý deńgeıleriniń aýytqýy baıqalady. Jekelegen ózenderde sý deńgeıiniń kenetten kóterilýinen sý basý jaǵdaılary bolýy yqtımal. 7-8 aqpanda Shardara sý qoımasyna sekýndyna 1300 tekshe metr sý keledi dep kútilýde.
