Qazaqstannyń birqatar óńirinde jol jabyq
NUR-SULTAN. QazAqparat – Elorda men birneshe oblysta jol jabyq, dep habarlaıdy QazAqparat QR ІІM TJK baspasóz qyzmetine silteme jasap.
Komıtettiń habarlaýynsha, Aqmola oblysynda avtojoldyń 9 ýchaskesinde barlyq kólik túri boıynsha qozǵalysqa shekteý qoıylǵan. Olar: Nur-Sultan-Ereımentaý-Shiderti» (Nur-Sultannan Pavlodar oblysyna deıin), «Ekaterınbýrg-Almaty» (Jaqsy aýylynan SQO aýmaǵyna deıin), «Jezqazǵan-Petropavl» (Qostanaı oblysynyń shekarasynan SQO shekarasyna deıin), «Ekaterınbýrg-Almaty» (Nur-Sultan qalasynan Qaraǵandy oblysynyń shekarasyna deıin), «Ekaterınbýrg-Almaty» (Atbasardan elordaǵa deıin), «Nur-Sultan-Petropavl» (Nur-Sultannan Şýchege deıin), «Nur-Sultan-Qorǵaljyn» (Aqmol aýylynan Qorǵaljyn qoryǵyna deıin), «Makınsk-Aqsý-Torǵaı» (Makınsk qalasynan Torǵaı qalasyna deıin), «Kókshetaý - Atbasar» (Balqash kentinen Atbasarǵa deıin).
Sonymen birge, komıtet Aqtóbe oblysynda avtojoldyń taǵy úsh ýchaskesinde jolaýshylar men júk kólikteri úshin jol jabylǵanyn habarlaıdy. Olar: «Samara-Shymkent» (Marjanbulaq aýylanan Qobdaǵa deıin), «Samara-Shymkent» (Belogorka aýylynan Qarabutaqqa deıin), «Aqtóbe-Or» (Sh.Qaldaıaqov aýylynan RF shekarasyna deıin).
Almaty oblysynda Úsharal-Dostyq avtojolynyń birinshi ýchaskesinde kóliktiń barlyq túrine júrýge shekteý engizilgen.
Shyǵys Qazaqstan oblysynda avtojoldyń 2 ýchaskesinde tirkemeli jáne jartylaı tirkemeli júk kólikteri úshin jol jabyldy. Olar: Óskemen-Rıdder-RF shekaras> (Beloýsovka aýylynan Rıdderge deıin), Omby-Maıqapshaǵaı (Qalbataý aýylynan Kókpektige deıin). Sonymen birge, ShQO-da myna baǵyttaǵy jol ýchaskelerine kóliktiń barlyq túrine jol jabyq: Óskemen-Shemonaıha-RF shekarasy (Predgornoe aýylynan RF shekarasyna deıin), Semeı-Qaınar, Almaty-Óskemen (Qalbataýdan Qasym-Qaısenov kentiniń burylysyna deıin), «Omby-Maıqapshaǵaı » (Semeıden Pavlodar oblysynyń shekarasyna deıin), «Óskemen-Altaı-Úlken Naryn-Katonqaragaı-Rahman qaınarlary», «Semeı-RF shekarasyna deıin» ýchaskesi.
Qostanaı oblysynda Jezqazǵan-Pavlodar avtojolynda kóliktiń barlyq túrine qozǵalýǵa shekteý qoıyldy. Qyzylorda oblysynda Qyzylorda-Pavlodar arasyndaǵy jol da jabyq.
QR ІІM Tótenshe jaǵdaılar komıteti azamattarǵa aýa raıyn baqylap otyrýǵa, alys jolǵa shyqpaýǵa shaqyrady. Jolda qalyp qalǵan jaǵdaıda «112» nómirine habarlasyp, kómek suraýǵa bolady.
