Qazaqstannyń birqatar óńirinde jel kúsheıip, kún sýytady
NUR-SULTAN. QazAqparat - Aýa raıynyń buzylýyna baılanysty Nur-Sultan qalasy men birqatar óńirlerde eskertý jarııalandy, dep habarlaıdy QazAqparat Qazgıdrometke silteme jasap.
8-10 qarasha aralyǵynda Atyraý oblysynyń keı jerlerine tuman túsedi. 8 qarasha Atyraý qalasynda tuman túsedi.
8 qarasha kúni Nur-Sultan qalasynda kóktaıǵaq bolady. Ońtústik-batystan soqqan jeldiń ekpini 15-20 m/s jetedi.
8 qarashada Qostanaı oblysynyń keı jerlerine tuman túsip, kóktaıǵaq bolady. Ońtústik-batystan jel soǵady. Jel qarqyny 15-20, 23 m/s deıin kúsheıedi.
Osy kúni Qostanaı qalasynda ońtústik-batystan soqqan jeldiń ekpini - 15-20 m/s.
Erteń Aqmola oblysynyń keı jerlerinde tuman, kóktaıǵaq, burqasyn bolady. Ońtústik-batystan jel soǵady. Kúshti jel sekýndyna 15-20, 23-28 metr jyldamdyqpen esedi.
Osy kúni tańerteń jáne kúndiz Kókshetaý qalasynda kóktaıǵaq, jaıaý burqasyn bolady. Ońtústik-batystan soqqan jeldiń ekpini 15-20 m/s jetedi.
8 qarasha Soltústik Qazaqstan oblysynyń keı jerlerinde kóktaıǵaq, jaıaý burqasyn kútiledi. Batystan soqqan jel soltústikke aýysady. Jel qarqyny 15-20, 23-28 m/s deıin kúsheıedi.
Osy kúni Petropavl qalasynda kóktaıǵaq, jaıaý burqasyn bolady. Batystan soqqan jel soltústik baǵytyna aýysady. Jel jyldamdyǵy - sekýndyna 15-20, 23-28 metr shamasynda.
