Qazaqstannyń birqatar óńirinde azyq-túliktiń qymbattaýy tekserilýde
Bul týraly QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR UEM Tabıǵı monopolııalardy retteý jáne básekelestikti qorǵaý komıtetiniń tóraǵasy Serik Jumanǵarın málim etti.
«2016 jyldyń birinshi jartysynda monopolııaǵa qarsy organ janar-jaǵarmaıdyń bólshek saýdasymen aınalysatyn naryq sýbektilerine tergeýdi aıaqtady. Onyń nátıjesinde monopolııalyq kiris tárkilenip, aıyppul somasy 200 mıllıon teńgeden asty», - dep atap ótti ol.
Sonymen qatar komıtet tóraǵasy azyq-túlik baǵasy halyqty qatty alańdatatynyn aıta kele, olarǵa baǵa turaqty bolýy úshin monopolııaǵa qarsy organ baǵanyń kúrt jáne negizsiz ózgerýin, taýarlardyń tapshylyǵyn, monopolııalyq joǵary baǵalardy, baǵalyq «sóz baılasý» sebepterin anyqtaý úshin tergeý júrgizýge quqyǵy bar ekendigin eskertti.
«Komıtettiń aýmaqtyq departamentteri apta saıyn áleýmettik mańyzy bar azyq-túlik taýarlary baǵasyna monıtorıng júrgizedi. Ol úshin iri sýpermarket, bazar, azyq-túlik dúkenderi men saýda ortalyqtaryna barady. Qazir komıtettiń aýmaqtyq bólimsheleri birqatar óńirde 23 tekserý, onyń ishinde qanttyń kóterme saýdasy, azyq-túlik ónimderin shyǵarý men ótkizý jáne nan qabyldaý pýnkteri jumysyna qatysty júrgizilýde», - dedi S.Jumanǵarın.