Qazaqstannyń birqatar óńirinde aýa sapasy tómendeıdi
ASTANA. QazAqparat - Jeksenbi, 11 naýryz kúni Qazaqstannyń 5 qalasynda aýa sapasy tómendeıdi, dep habarlaıdy QazAqparat «Qazgıdromet» RMK-ǵa silteme jasap.
Sınoptıkterdiń boljaýynsha, Qaraǵandy, Qostanaı, Kókshetaý, Petropavl, Oral qalalaryndaǵy meteojaǵdaı aýada lastaýshy zattardyń jınalýyna yqpal etedi. Qaraǵandydan basqa qalalarda aýa temperatýrasy mınýs 20-25 grýadýs sýytady.
Al, Almaty, Aqtaý, Astana, Atyraý, Qyzylorda, Pavlodar, Taraz, Óskemen, Shymkent, Taldyqorǵan qalalarynda lastaýshy zattar atmosferada ydyraıdy.
Atalmysh aýanyń lastanýyna boljam jasaýda atmosferadaǵy zııandy (lastaýshy) zattardyń jınalýyna yqpal etetin meteorologııalyq faktorlar (baıaý jel, tuman, ınversııa) eskeriledi.
Foto: bigpicture.ru
