Qazaqstannyń birqatar oblysynda boran saldarynan avtojoldar jabyldy
ASTANA. QazAqparat - Qazaqstannyń birqatar óńirlerinde avtokólik qozǵalysyna shekteýler saqtalýda, dep habarlady QR ІІM Tótenshe jaǵdaılar komıtetinen.
Atap aıtqanda, 18 jeltoqsan kúni saǵat 19-35-ten bastap «Astana-Qaraǵandy», «Astana-Pavlodar» avtojoldary kóliktiń barlyq túrleri úshin jabyq.
Qaraǵandy oblysynda 16-30-dan (18 jeltoqsan) bastap boran men kóktaıǵaq saldarynan barlyq kólik túrleri úshin Qaraǵandydan shyǵatyn joldardyń barlyǵynda qozǵalysqa shekteý engizildi.
Aqmola oblysynda 18 jeltoqsan kúngi saǵat 19-30-dan beri aýa raıynyń nasharlaýyna oraı «Astana-Ereımentaý-Shiderti» avtojolynyń 16-205 shaqyrymynda kóliktiń barlyq túrleri úshin jol jabyq.
Ońtústik Qazaqstan oblysynda da keshe keshki 19-00-den kóliktiń barlyq túri úshin «Qoshqarata-Jaryqbas-Birlik» avtojolynyń 100-131 shaqyrymdyq ýchaskesinde qozǵalysqa shekteý qoıyldy.
P\avlodar oblysynda 19 jeltoqsan kúngi saǵat 20-00-den aýar raıynyń buzylýyna baılanysty kóliktiń barlyq túrleri úshin «Qyzylorda-Pavlodar» (Shiderti aýylynan Qaraǵandy oblysy shekarasyna deıingi 1135-1206 shaqyrym), «Astana-Ereımentaý-Shiderti» (Shiderti aýylynan Aqmola oblysynyń shekarasyna deıin) avtomobıl joldarynda qozǵalysqa shekteý engizildi.
Al Shyǵys Qazaqstan oblysynda búgin tańerteńgi 7,-30-dan bastap borannyń jáne joldyń kórinýiniń nasharlyǵyna baıanysty kóliktiń barlyq túrleri úshin «Almaty-Óskemen» (Qalbataý aýyly-Q.Qaısenov aýyly, 977-1073 shaqyrym) respýblıkalyq mańyzdaǵy avtojolynyń bir bóligi jabyldy. Mundaı shekteý «Shemonaıha-RF shekarasy» (108-123 shaqyrym) ýchaskesinde de engizilip otyr.
Sonymen qatar tańerteńgi 9-30-dan bastap respýblıkalyq mańyzy bar «Óskemen-Tarǵyn-Samar» avtojolynyń bir bóliginde de (62-145 shaqyrym) kóliktiń barlyq túrleri qozǵalysyna shekteý qoıyldy.
