Qazaqstannyń birqatar oblystarynda joldar jabyldy
ASTANA. QazAqparat - Qazaqstannyń birqatar oblystarynda aýa raıyna baılanysty kólik qozǵalysyna shekteý engizildi, dep habarlaıdy QR ІІM TJK baspasóz qyzmeti.
Aqtóbe oblysynda 16 aqpan saǵat 14-30-dan bastap aýa raıynyń nasharlaýyna baılanysty (qar, qatty burqasyn, joldyń kórinbeýi) respýblıkalyq mańyzy bar «Aqtóbe-Atyraý-Astrahan» tas jolynyń 246 sh. (Qaraýylkeldi aýyly) - 330 sh. (Atyraý obl. shekarasy) jáne «Qandyaǵash-Embi-Shalqar-Yrǵyz» tas jolynyń 92 sh. (Embi qalasy) - 258 sh. (Shalqar qalasy) aralyǵynda barlyq avtokólik túrleriniń qozǵalysyna shekteý qoıyldy.
Almaty oblysynda 16 aqpan saǵat 17-30-dan bastap aýa raıynyń nasharlaýyna baılanysty (boran, joldyń kórinbeýi) baılanysty «Úsharal-Dostyq» respýblıkalyq mańyzy bar avtojoldyń 83-184 shaqyrymynda barlyq kólikterge jol jabyldy.
Ońtústik Qazaqstan oblysynda aýa raıynyń nasharlaýyna baılanysty (boran, kóktaıǵak, jańbyr, joldyń kórinbeýi) oblystyq mańyzy bar «Qoshqarata-Jaryqbas-Birlik» avtojolynyń 77-144 shaqyrymynda avtokóliktiń barlyq túrlerine qozǵalys toqtatyldy.
