Qazaqstannyń birqatar oblystarynda jańbyr jaýyp, keı jerlerde naızaǵaı oınaıdy, jel kúsheıedi - 25 sáýirdegi aýa raıy boljamy
ASTANA. 24 sáýir. QazAqparat - 25 sáýirde Qazaqstan aýmaǵynyń basym bóligi atmosferalyq aǵyndar yqpalynda bolyp, keı jerlerde jańbyr jaýyp, naızaǵaı oınaıdy, jel kúsheıedi.
Bul týraly TJM baspasóz qyzmeti Qazgıdrometke silteme jasap habarlaıdy.
Qostanaı, Qaraǵandy, Shyǵys Qazaqstan oblystarynda keı jerlerde naızaǵaı oınap, jeldiń ekpini 15/20 m/s-ke deıin kúsheıýi, Qostanaı oblysynda túnde jáne tańerteń keı jerlerde tuman túsýi kútiledi.
Batys Qazaqstan, Pavlodar, kúndiz Mańǵystaý oblystarynda jeldiń kúshi 15-20 m/s-ke jetedi.
Jambyl, Ońtústik Qazaqstan, Qyzylorda, Aqtóbe oblystarynda keı jerlerde naızaǵaı oınap, jeldiń kúshi 15-20 m/s-ke jetedi.
Soltústik Qazaqstan, Aqmola oblystarynda keı jerlerde tuman túsedi, jel 15-20 m/s-ke deıin kúsheıedi.
Atyraý oblysynda keı jerlerde naızaǵaı oınap, shańdy daýylmen jeldiń kúshi 15-20 m/s-ke jetedi.
Taıaýdaǵy táýlikterde respýblıkanyń ońtústigindegi, ońtústik-shyǵysyndaǵy jáne shyǵysyndaǵy taý ózenderinde sý deńgeıiniń qubylýy baıqalady. Pavlodar oblysy sheginde Ertis ózeninde Shúlbi sý qoımasynan sýdyń mol kelýinen ózen deńgeıi kóterilýi jalǵasady.
