Qazaqstannyń birqatar oblystarynda tótenshe joǵary órt qaýiptiligi saqtalady - 7 maýsymǵa arnalǵan aýa raıy boljamy
ASTANA. 6 maýsym. QazAqparat - Tsıklon jáne onymen baılanysty atmosferalyq bólikter 7 maýsym kúni Qazaqstan aýmaǵynyń kóptegen bóligine óziniń yqpalyp saqtap qalady, dep habarlaıdy Qazgıdrometke silteme jasaǵan QR TJM-niń baspasóz qyzmetinen.
Munda keıbir jerlerde jańbyr jaýyp, naızaǵaı jarqyldaıdy, jel kúsheıip, keıbir jerlerde shańdy daýyl soǵady. Batys aýdandar antıtsıklonnyń yqpalynda bolyp, onymen birge shýaqty jáne ystyq aýa raıy kútiledi.
Aqmola, Pavlodar, Shyǵys Qazaqstan, Mańǵystaý, Atyraý, Almaty, túnde Soltústik Qazaqstan, kúndiz Qostanaı, Qaraǵandy oblystarynda keıbir jerlerde jel 15-20 m/s deıin kúsheıedi, Mańǵystaý jáne Atyraý oblystarynda shańdy daýyl bolady.
Mańǵystaý, Atyraý oblystarynda, Batys Qazaqstan oblysynyń keıbir jerlerinde kún qatty ystyq bolady.
Qyzylorda oblysynda, Qaraǵandy oblysynyń ońtústiginde, Shyǵys Qazaqstan oblysynyń soltústik-batysynda tótenshe joǵary órt qaýiptiligi saqtalady.
Jaqyn táýlikterde respýblıkanyń ońtústik, ońtústik-shyǵysy men shyǵysyndaǵy ózenderde sý aýytqýlary kútiledi.
