Qazaqstannyń birqatar oblystarynda kún 3 gradýsqa deıin sýytady
TANA. 4 qazan. QazAqparat - Atmosferalyq aǵyndardyń ótýine baılanysty búgin Qazaqstannyń basym aýmaǵynda jaýyn-shashyn jaýyp, jel kúsheıedi, dep habarlaıdy Qazgıdrometke silteme jasaı otyryp, QR TJM baspasóz qyzmeti.
Atyraý, Batys Qazaqstan, Qostanaı, Qaraǵandy, Shyǵys Qazaqstan, Almaty, Jambyl, Ońtústik Qazaqstan, Qyzylorda oblystarynda, kúndiz Aqmola, Pavlodar, Mańǵystaý oblystarynda jeldiń kúshi sekýndyna 15-24 metr jyldamdyqqa jetedi dep kútilýde.
Soltústik Qazaqstan oblysynda, kúndiz Aqtóbe oblysynyń keı jerlerinde sekýndyna 15-20 metr jyldamdyqta jel soǵyp, túnde jáne tańerteń tuman túsedi.
Túnde Atyraý, Batys Qazaqstan, Qostanaı, Qaraǵandy oblystarynyń keı jerlerinde kún 0-3 gradýsqa deıin sýytady.
Qazaqstannyń ońtústik, ortalyq jáne shyǵys aýmaqtarynyń keı jerlerinde ystyq aýa raıy men joǵary deńgeıdegi órt qaýipi saqtalady.
